Ave, color vini clari,
Ave, sapor sine pari
Tua nos inebriari
Digneris potentia.
O quam felix creatura!
Quam perduxit vitis pura!
Omnis mensa sit secura
In tua presentia.
O quam placens in colore,
O quam fragrans in odore,
O quam sapidum in ore,
Dulce linguis vinculum!
Felix venter quem intrabis
Felix guttur quod rigabis,
Felix os, quod lababis
O beata labia.
Ergo, vinum collaudemus,
Potatores exaltemus,
Non potantes confundemus
In aeterna saecula. Amen!
Carmina Burana (XII° secolo)